ناټو په افغانستان کې

د يوۀ  اغيزمن  افغان ملی پوځ جوړول د يوۀ پرځان بسيا  افغانستان ودانولو لپاره خورا اړين دي.

له افغان ملي پوځ  سره د ناټوهمکاری د هغه پر پکار اچولو  ورټوله ده، نه ورته د سړيو پر برابرولو، لومړنۍ روزنې  او ساتنې. ناټو د افغانستان د اسلامي جمهوريت له حکومت سره د عملياتي سلاکارانو او د ارتباط د ډلو په برابرولو کې مرسته کوي چې افغان ملي پوځ  عملياتي وړتيا  تر لاسه کړي.  دغه ډلې د روزنې به برخه کې مرسته کوي او په عملياتو کې د سلاکارانو په توگه  گډون کوي.

د عملياتي سلاکارانو او ارتباط ډلې  د افغان ملي پوځ او ايساف  د عملياتو تر منځ د همغاړيتوب او له يو بل سره د هغو د ټکر د مخنيوي په برخه کې  په ځانگړې توگه مهمه ونډه لري.

ناټو اوس  د عملياتي سلاکارانو  او ارتباط  ٢٠  ډلې  ځاى پر ځاى کړي او دا ټلواله  هلې ځلې کوي  چې په دغه شمېر کې د پام وړ ډېروالی راولي.

د اشيان فونډېشن (آسیایی بنیاد) د ٢٠٠٦ کال سروې ريپوټ ورکړ چې د هغو افغانانو چې ورسره مرکې شوي په سلو کې ٨٧  پر افغان ملي پوځ  ډاډ لاره.

 افغان ملي پوځ په رېښتينې توگه  يوه "ملى" موسسه ده چې د هرې لويې  توکميزې ډلې استازيتوب کوي.

د افغان ملي  پوځ  ځواک او وړتيا د هرې ورځې  په تېرېدو  وده کوي.  درې کاله وړاندې،  افغان ملي پوځ هېڅ شته والى نه لاره چې خبره يې وشي، خو نن افغان ملي پوځ  ٣٥٠٠٠  غړي لري، چې ډېرى يې د ايساف ځواکونو سره اوږه په اوږه عمليات ترسره کوي.  په ډېرو مواردو کې  افغان ملي پوځ  دا مهال  په لويو عملياتو کې برخه لري او يا يې مشري کوي.

د تجهيزاتو ورستۍ  بشپړې شوې  مرستې:    

 د افغان ملي  پوځ  د  تجهيزولو لپاره  په اروپا کې د متحدو ځواکونو اعلی سرقومانداني  SHAPE  د پيل  او  همغاړي کولو مرکزي واکمنه اداره ده .

سر بېره  پر دې، متحده ايالتو له افغان ملي امنيتي ځواکونو سره د ٨ عشاريه ٦  مليارد ډالرو مرسته اعلان کړې، چې يوه برخه به يې افغان ملي پوځ لپاره د ٧٠٠٠٠ پوځيانو په روزنه او سمبالو ولگول شي.

د لاندې هېوادو  د بهرنيو چارو وزيرانو د ٢٠٠٧ کال  د جنوري  پر ٢٦  په خپله غونډه کې  د افغان ملي پوځ د روزلو يا سمبالولو لپا ره  نورو مرستو ته چمتوالى څرگند کړ:   فرانسه،  ايتاليا، هالند،د سلواکياجمهوريت، ترکيه او کروشيا.