بيا رغاونه او پرمختيا

"  له  امنيت څخه پرته  پرمختيا نشي تر لاسه کېدى او  له پرمختيا پرته امنيت بې مانا  دى".
د ايساف  ماموريت  له افغانستان سره د نړيوالې ټولنې د هر اړخيز نژدېوالي  او په دغه هېواد کي يې د تلپاتې سولې او ثبات د بيا ټېنگولو د هڅو نه بېلېدونکې برخه ده.
په داسې حال کې چې د ايساف اساسي دنده  په افغانستان کې د امنيت ټينگول دي چې د بيا رغاونې او پرمختيا لپاره لار هواره کړي،  د بيا رغاونې او پرمختيا له هڅو سره عملي مرسته  هم  د ايساف  په مهمو  کمکي  پوځي دندو کې  راځي.
په دې ډگرد ايساف د فعاليتونو د پام وړ اړخونه دا دي:  د اړتياوو پېژندنه، لکه د ښونځيو او روغتيايي تاسيساتو بيا رغاونه،  د اوبو د زيرمو بيا جوړل،  له نورو پوځي-ملکي  پروژو سره د مناسبې مرستې کول؛ او د پرمختيايي هڅو د پرمختگ پرله پسې  څارنه.
د دې کار په تر سره کولو کې د  ناټو/ايساف   د ولايتي بيا رغاونې  ٢٥ ډلې   په  افغانستان کې  د بيا رغاونې او پرمختيا هڅو ته د ټلوالې  د ژمنې  په سر کې  دي.

د ايساف د بيارغاونې او پرمختيا په لويو دندو کې دا دي:

	د ولايتي بيا رغاونې  ډلې
	په کابل کې د  JCMBپه بهېر کې د SCR  د فعال گډون يقيني کول؛
	د بشري مرستو د عملياتو ملاتړ چې  د افغانستان د اسلامی جمهوریت دحکومتي ادارو له خوا همغاړې کيږي؛ او
	د نشه يي توکوضد هلو ځلو  څارنه

د بيا رغاونې او پرمختيا برياوې په شمېرو کې:

	په  ٢٠٠١  کال کې  په سلو کې ٨  افغانانو  لومړنيو روغتيايي خدماتو ته لاسرسى لاره.  د ٢٠٠٧ کال  په لومړيو کې دغه شمېر په سلو کې ٨٣ ته پورته شوى.
	په ٢٠٠١  کې  ١ عشاريه ٢  مليون کوچنیان هره ورځ ښونځي ته تلل،  نن ٦ مليونه ورځي،  چې ٢ مليون يې  انجونې دي.    له  ٤٣٠٠٠ تر ٤٥٠٠٠  ښونکي  په  ٢٠٠٦ کال  کې  وروزل شول.
	د حلقوي سړکونو د شبکې ٨٢٥  د ټرافيکو پر مخ پرانستې دي،  که څه هم پر ځېنو  برخو يې لا اوس هم  کار روان دى.
	د پرسونل ضد ٨٨١٣٦  ماينونه او دغه راز د ټانک ضد ١١٥٢٤ ماينونه  له منځه وړل شوي دي.

نوري شمیړی